Kòrsou ta tuma un paso importante pa fortalesé kuido di boka: dos bus dental nobo ta kla pa ser mandá ku barku. – Curaçao zet belangrijke stap in versterking mondzorg: twee nieuwe tandheelkundige bussen gereed voor verscheping

Kòrsou ta tuma un paso importante pa fortalesé kuido di boka: dos bus dental nobo ta kla pa ser mandá ku barku.

Willemstad – Ministerio di Salú, Medio Ambiente i Naturalesa (GMN) a tuma un siguiente paso importante pa fortalesé i krea mas aksesibilidat di kuido di boka na Kòrsou. Resientemente, un delegashon a biaha pa Caxias do Sul, Brazil, pa realisá e inspekshon final tékniko i funshonal di dos bus dental nobo ku a ser fabriká na Marcopolo.

E delegashon tabata bou di guia di Sekretario General di GMN, drs. Sharlon Melfor, i tabata inkluí señor Leonard Gomperts, Hefe di Maneshon na ABC Busbedrijf, i señor Brian Simmons, eksperto den ekipo dental. Durante algun dia, e vehíkulonan i nan instalashonnan tékniko i dental a keda inspekshoná detayadamente. Despues di finalisá e inspekshon aki, Sekretario General a duna aprobashon pa embarka tur dos e busnan pa Kòrsou.

E kompra di e busnan ta forma parti di e desaroyo di e programa preventivo di kuido di boka “Pendiente di bo Djente”. E programa ta enfoká riba un aserkamentu sostenibel i aksesibel di kuido di boka pa, entre otro, mucha i hóbennan, abitantenan di institushon i hende den bario ku ta eksperensiá barera pa haña kuido dental regular.

E enfoke móbil ta kontinuá ku e historia largu di kuido preventivo di boka na Kòrsou i ta kuadra ku e programa di gobernashon di Gabinete Pisas III i ku e strategia di prevenshon di minister Boekhoudt. Gobièrnu di Kòrsou a kuminsá for di aña 1956 ku kuido dental móbil na skolnan. Despues ku e bus dental anterior a sali for di uso na 2021, a adaptá e servisio i a duna mas informashon tokante limpiesa dental na skolnan i institutonan. 

Ku e dos bus nobo, kuido di boka por ser hiba atrobe mas serka di e komunidat. E enfoke lo ta riba informashon i edukashon, kontrol preventivo, limpiamentu di djente, tratamentunan dental simpel i, kaminda ta nesesario, referensia pa tratamentu mas avansá. 

Ta sperá ku e busnan lo yega Kòrsou pa final di e di kuater kuartal di 2026. Despues di e preparashonnan nesesario, e meta ta pa pone nan den uso den e promé kuartal di 2027.

Ku e invershon aki, GMN ta sigui invertí den kuido preventivo di boka ku ta aksesibel i den detekshon tempran di problemanan di salú oral.

---

 

Curaçao zet belangrijke stap in versterking mondzorg: twee nieuwe tandheelkundige bussen gereed voor verscheping

Willemstad – Het Ministerie van Gezondheid, Milieu en Natuur (GMN) heeft een belangrijke volgende stap gezet in de versterking en toegankelijkheid van de mondzorg op Curaçao. Een delegatie is recent afgereisd naar Caxias do Sul in Brazilië voor de technische en functionele eindinspectie van twee nieuwe tandheelkundige bussen die bij Marcopolo zijn vervaardigd.

De delegatie stond onder leiding van de Secretaris-Generaal van GMN, drs. Sharlon Melfor, en bestond verder uit de heer Leonard Gomperts, Technisch Onderhoudsmanager bij ABC Busbedrijf, en de heer Brian Simmons, deskundige op het gebied van tandheelkundige apparatuur. Gedurende enkele dagen zijn de voertuigen en de technische en tandheelkundige voorzieningen uitvoerig geïnspecteerd. Na afronding hiervan heeft de Secretaris-Generaal akkoord gegeven voor verscheping van beide bussen naar Curaçao.

De aanschaf maakt onderdeel uit van de verdere ontwikkeling van het preventieve mondzorgprogramma “Pendiente di bo Djente”. Het programma richt zich op een duurzaam en laagdrempelig aanbod van mondzorg voor onder meer kinderen en jongeren, bewoners van instellingen en wijkbewoners die belemmeringen ervaren bij de toegang tot reguliere mondzorg.

De mobiele aanpak sluit aan bij de lange geschiedenis van preventieve mondzorg op Curaçao en past binnen het regeerprogramma van Kabinet-Pisas III en de preventiestrategie van minister Boekhoudt. De overheid begon reeds in 1956 met mobiele mondzorg op scholen. Nadat de vorige tandheelkundige bus in 2021 buiten gebruik werd gesteld, is de dienstverlening aangepast en is er meer voorlichting gegeven over gebitsreiniging en mondhygiëne op scholen en instellingen.

Met de twee nieuwe bussen kan mondzorg opnieuw dichter bij de bevolking worden gebracht. Daarbij ligt de nadruk op voorlichting, preventieve controle, gebitsreiniging, eenvoudige tandheelkundige handelingen en, waar nodig, doorverwijzing voor verdere behandeling.

De bussen worden naar verwachting tegen het einde van het vierde kwartaal van 2026 op Curaçao verwacht. Na de noodzakelijke voorbereidingen is het streven om deze in het eerste kwartaal van 2027 daadwerkelijk in gebruik te nemen.

Met deze investering zet GMN verder in op toegankelijke preventieve mondzorg en het vroegtijdig signaleren van mondgezondheidsproblemen.