Minister Sithree “Cey” van Heydoorn: Premio Charlwin “Broertje” Marshall

Ministerio di Enseñansa, Siensia, Kultura i Deporte a presentá ofisialmente e Premio Charlwin “Broertje” Marshall durante un rueda di prensa.

E presentashon a tuma lugá na kas di Broertje Marshall, un lugá ku tin un balor spesial i ku ta estrechamente ligá na su historia i legado.

E premio ta un rekonosementu na e kontribushon ku Broertje Marshall a duna na gastronomia di Kòrsou, i tin komo meta sigui stimulá gastronomia, transferensia di konosementu i desaroyo di talento kulinario lokal.

Ku e inisiativa aki, nos no ta solamente honra su legado, sino tambe sigui invertí den futuro di gastronomia di Kòrsou i den un generashon nobo di talento kulinario.

Un legado ku ta sigui inspirá. Un premio ku ta krea oportunidat pa nos talento.