TORNEO KOPA KÒRSOU 2026 SU SEGUNDO FASE LO INISIÁ DJASABRA, 29 DI OUGÙSTÙS 2026!
TORNEO KOPA KÒRSOU 2026 SU SEGUNDO FASE LO INISIÁ DJASABRA, 29 DI OUGÙSTÙS 2026!
Despues ku 9 klup di kampionato FFK Terser Divishon a kompetí durante e promé fase di Kopa Kòrsou 2026, e segundo fase ta kla pa inisía djasabra aki, 29 di ougùstùs 2026. E segundo fase di Kopa Kòrsou ta konta ku partisipashon di 20 klup di Kampionato FFK Promé i Segundo Divishon ku huntu ku e 4 ekiponan di Terser Divishon ku a klasifiká pa ta den kontienda pa e segundo fase aki. E segundo fase di Kopa Kòrsou lo mira inisio den Stadion Rignaal ‘Jean’ Francisca i Stadion Dr. Antoine Maduro pa 7’or ku 9’or di anochi.
Astros de Colombia, Wishi Marchena, C-Stars United i West Wolves United ta e 4 ekipo nan di Terser Divishon ku lo djòin e 20 ekiponan di Promé i Segundo Divishon ku lo kompetí den fase 2 di Kopa Kòrsou 2026. E 24 ekiponan aki lo keda repartí den 8 pul di 3 ekipo.
E pulnan di Kopa Kòrsou ta lo siguiente;
E klupnan ku terminá na di promé i segundo lugá ta klasifiká pa fase 3 di Kopa Kòrsou. Despues di e fase aki, lo bin a partidonan di kuart i semi final i dia di Pais Kòrsou, 10 di òktober 2026, Kopa Kòrsou 2026 lo tin su gran final.
E partidonan di Kopa Kòrsou lo hunga prinsipalmente durante wikènt na diferente stadion kumisando e wikènt aki.
Skema pa wikènt di Kopa Kòrsou;
| Stadion | Fecha | Orario | Tim di kas | v/s | Bishitante |
| Rignaal Francisca | 29-oug-2026 | 19:00 | Jong Colombia | v/s | C.H. Mahuma |
| Rignaal Francisca | 29-oug-2026 | 21:00 | C.S.D. Barber | v/s | Jong Colombia II |
| Antoine Maduro | 29-oug-2026 | 19:00 | UNDEBA | v/s | S.V. New Song |
| Antoine Maduro | 29-oug-2026 | 21:00 | Victory Boys | v/s | Hubentud Fortuna |
| Rignaal Francisca | 30-oug-2026 | 17:30 | Centro Dominguito | v/s | Astros de Colombia |
| Rignaal Francisca | 30-oug-2026 | 19:45 | Inter Willemstad | v/s | C-Stars United |
| Antoine Maduro | 30-oug-2026 | 17:30 | Scherpenheuvel | v/s | Wishi Marchena |
| Antoine Maduro | 30-oug-2026 | 19:45 | Jong Holland | v/s | F.C. West Wolves United |
Entrada pa fase 2 di Kòrsou ta ta kosta cg.6,- pa adulto míentras mucha di 6-12 aña i 60+ ta paga solamente cg.3,-.
Karchinan ta optenibel online, riba nos website i tambe e linknan ku lo keda publiká riba nos páginanan di media sosial.
Pueblo di Kòrsou kompletu ta keda invitá pa presensiá e fase 2 di Kopa Kòrsou 2026. Nos ta warda tur amante di bon futbòl pa disfrutá di algun tremendo partido i ta hasi un yamada na tur fanátiko pa yega stadion pa apoyá nan ekipo preferi!
27 ougùstùs 2026
