E relato ta duna un bista riba e posicion financiero y relato di e autoridad durante e periodo di 1 di januari te cu 30 di juni 2026.

Un aspecto importante ta cu Grant Thornton Aruba a evalua independientemente e cifranan financiero intermedio. Segun e accountant, e resultado di e evaluacion no a revela motibo pa conclui cu e rapport intermedio, den aspectonan material, no ta prepara segun e normanan aplicabel.

Minister Dowers a enfatisa e importancia di rapportage periodico den cuadro di transparencia, rendimento di cuenta y bon gobernacion. Instancianan cu tin un responsabilidad publico mester brinda claridad tocante nan funcionamento y maneho financiero. Evaluacion independiente ta contribui na un forma di traha cu ta cuidadoso y transparente.

Minister Dowers a expresa su aprecio pa e trabou realisa y pa presentacion di e rapportage. AFTA ta sigui, desde su posicion independiente, cumpli cu su responsabilidadnan legal.

E rapportage di e prome mitad aña di 2026 ta forma un parti importante di e rendicion di cuenta periodico y ta contribui na un ehecucion transparente y responsabel di e tareanan publico di AFTA.