KUERPO POLISIAL KÒRSOU 

KOMUNIKADO DI PRENSA

289/2026 6 sèptèmber 2026 

Detenshon relashoná ku violensia relashonal 

Relashoná ku un kaso di violensia relashonal ku a tuma luga djabièrnè 4 di  sèptèmber 2026, polis a hasi un detenshon. 

Djadumingu 6 di sèptèmber 2026 alrededor di 08.54’or, polis a detené e  hòmber J.A.G.R. di 23 aña di edat nasé na Colombia. 

E agresor a maltratá un dama ku kende e ta kompartí bida i tambe a kousa  destrukshon. 

Riba òrdu di fiskal di Ministerio Públiko a detené e sospechoso na un adrès  den Kaya Loiseaux Maduro. 

A present’é dilanti di un fiskal ouksiliar ku a ordená su enkarselamentu  pendiente di mas investigashon.