Seshon informativo pa proyekto di infrastruktura na Fortuna Ariba

Willemstad – Gobièrnu di Kòrsou ta invitá habitantenan di Fortuna Ariba kordialmente pa un anochi informativo tokante e proyekto pa mehorá e infrastruktura den bario di Fortuna Ariba.

E proyekto aki lo keda realisá pa Gobièrnu di Kòrsou, den kolaborashon ku Fundashon Kas Popular (FKP) i lo keda finansiá ku fondo di Union Europeo (EU). Durante e anochi informativo lo duna informashon mas detayá tokante e trabounan planifiká, e manera di ehekutá nan, durashon i e posibel impakto pa e bario. 

 

E proyekto lo ta supervisá pa Servisio pa Obra Públiko i Fundashon Kas Popular. E kontratista enkargá ku ehekushon di e trabounan ta MNO Vervat.

 

E reunion informativo lo tuma lugá:

Fecha: ​​Djamars 08 di sèptèmber 2026

Ora: ​​18:00 – 19:30

Lugá: ​​Parkeerplaats na Krusada Kaya Fishtail i Kaya Latania

Nos ta gradisí boso pa boso interes i partisipashon. Boso ta bon biní pa asistí na e anochi inforativo i pa hasi kualke pregunta ku boso por tin.