Parlamento di Kòrsou a deliberá ku Minister di Desaroyo Sosial, Labor i Bienestar relashoná ku “abusu laboral”.

Djaweps, 10 di sèptèmber 2026, e Reunion di Komishon Sentral a kuminsá ku tratamentu di e promé punto di agènda, ku ta deliberashon ku Minister di Desaroyo Sosial, Labor i Bienestar, sra. Charetti America-Francisca, enkuanto “abusu laboral”.

Presidente suplente, sr. Rigoletto Thode, a habrí e promé tanda, kaminda Miembronan di Parlamento a haña oportunidat pa hiba nan disertashon i hasi pregunta na Minister di Desaroyo Sosial, Labor i Bienestar, sra. Charetti America-Francisca.

Na final di e promé tanda, Minister Charetti America-Francisca, a pidi kuater ora di tempu pa por prepará i formulá e kontestanan riba e preguntanan ku a wòrdu hasí. Presidente suplente a indiká ku e punto di agènda aki lo wòrdu di skòrs te ku 16:30 PM.

E reunion a reanudá 14:00 PM pa trata e di dos punto di agènda. Na e momentu aki, Presidente suplente a indiká ku e promé punto di agènda lo keda di skòrs te ku un próksimo aviso, pa duna e Minister e tempu nesesario pa prepará su kontestanan.

Seguidamente, Komishon Sentral a trata un proposishon di biahe pa partisipá na e evento di ParlAmericas “Public Security in the Americas and the Caribbean: Parliamentary Responses to Organized Crime and Violence”, kual lo tuma lugá di 21 te ku 23 di òktober 2026 na Valparaíso, Chile.

Parlamento a bai di akuerdo ku e proposishon di biahe ariba menshoná.

Presidente suplente, sr. Rigoletto Thode, a skòrs e reunion te ku un próksimo aviso.