KUERPO POLISIAL KÒRSOU 

 

KOMUNIKADO DI PRENSA

293/2026

10 sèptèmber 2026 

Dos detenshon pa ladronisia den kas 

Djaweps 10 di sèptèmber 2026 alrededor di 09.52’or, Sentral di Polis a risibí  informashon ku tabatin un kiebro ta tumando lugá na un kas riba Seru  Fortunaweg. 

Na yegada di e unidat den e kaya enkestion, a topa un vehíkulo sin plachi di  number den kua tabatin kuater sospechoso. 

Polis a duna e outo señal pa para, ya ku e tabata kumpli ku e deskripshon  ku Sentral di Polis a duna. 

En bes di sigui òrdu, e vehíkulo a sigui bini ku mas velosidat den direkshon  di e polisnan ku entre tantu a blòkia e kaya. 

Polis a hañ’é obligá ta lòs tiru ku su arma reglamentario pa para e vehíkulo. Despues ku e vehíkulo a para na un distansia, e hòmbernan a baha i bula  over di un muraya i hui na pia.  

Mesora e unidat a start un búskeda den e área i a bin topa ku dos di e  sospechosonan i a hasi detenshon di nan. 

Ta trata di e hòmbernan G.T.S. di 39 aña di edat i M.I.S. di 30 aña di edat, ámbos nasé na Kòrsou. 

Alabes polis a konfiská un vehíkulo di e sospechosonan.