KUERPO POLISIAL KÒRSOU 

 

KOMUNIKADO DI PRENSA

298/2026

13 sèptèmber 2026 

Kaso di tiramentu ku herido 

Djadumingu 13 di sèptèmber 2026 alrededor di 00.04’or, Sentral di Polis a risibí diferente yamada ku tin un problema ku algun habitante den Kaya  Kitrin. 

Mesora a dirigí algun unidat na e sitio. 

Na nan yegada, nan a komprondé di habitantenan ku den oranan mas  trempan di dia tabatin problema entre algun habitante i ku awor e  situashon a eskalá. 

Durante di e problema aki, e personanan ku tabatin problema ku otro a lòs  tirunan ku a alkansá un hòmber na su pia drechi parti ariba. 

Muraya di tres kas den e kaya ei tambe a risibí impakto di bala, mientras  portanan di glas a keda destruí. 

Den un vehíkulo partikular e víktima ku a sufri herida di bala, a keda  transportá pa Sala di Emergensia di C.M.C. pa risibi tratamentu médiko. Na e sitio a konfiská diferente kashi di bala. 

Personal di reshèrshi ta enkargá ku e investigashon.