MINISTER Shalten Hato {𝐌𝐈 𝐌𝐎𝐓𝐈𝐁𝐔 𝐏𝐀 𝐒𝐈𝐑𝐁𝐈 𝐌𝐈 𝐏𝐀𝐈𝐒}

Komishon di “Mi Motibu pa Sirbi mi Pais” a evaluá e periodo di solisitut pa Korps Politie Curaçao, UO Brandweer & Rampenbestrijding Curacao i SDKK – Sentro di Detenshon i Korekshon Kòrsou, ku a sera 31 di ougùstùs 2026.

Awenochi, tur kandidato lo risibí un mensahe via di nan e-mail relashoná ku nan solisitut. Awor lo sigui un periodo di pre-screening. Kandidatonan ku pasa e fase aki por risibí un invitashon pa e promé tèst físiko, sea pa KPC, Brandweer òf SDKK, dependiendo di e organisashon pa kua nan a solisitá.

Kandidatonan ta wòrdu konsehá pa sigui kontrolá nan e-mail (chèk junk e-mail tambe) pa informashon tokante e siguiente pasonan.