CSB TA INFORMÁ TOKANTE DESISHON DI KOMISHON DI  ARBITRAGE DEN KASO SBT FENIX

CSB TA INFORMÁ TOKANTE DESISHON DI KOMISHON DI  ARBITRAGE DEN KASO SBT FENIX 

Curaçaose Softball Bond (CSB) ta informá públiko pa medio di prensa tokante e desishon  di Komishon di Arbitrage den e kaso entre SBT Fenix i CSB, relashoná ku e wega di  play-off entre S.V. Pichingolo i SBT Fenix, hungá dia 6 di novèmber 2025. 

Komishon di Arbitrage a disidí ku e petishon di arbitrage di SBT Fenix ta admisibel i ku e  protesta presentá p’e ekipo ta fundá. Komo konsekuensia, e desishon di Direktiva di CSB  di 8 di novèmber 2025 i e desishon di Komishon di Apelashon di 16 di novèmber 2025 a  ser anulá. 

Komishon di Arbitrage a determiná ku e wega entre S.V. Pichingolo i SBT Fenix mester  kontinuá for di e momento ku e violashon ku a kondusi na e protesta a tuma lugá, esta, den  promé mitar di e di seis inning, ku dos out i hungadónan riba promé i segunda base. 

Ademas, Komishon a determiná ku Suclaina van Gurp no por partisipá den kontinuashon  di e wega, ni komo hungadó ni komo coach.  

E kontinuashon di e wega lo mester tuma lugá denter di diessinku (15) dia despues di  fecha di a informa e ekiponan ofisialmente, pa duna tur dos ekipo sufisiente tempu pa  prepará. 

Banda di e desishon tumá Komishon di Arbritrahe ta rekomenda CSB, mirando e tempu  ku a pasa, pa anula kampionato fastpitch femenino AA 2025 i kuminsa ku kampionato  2026 mas pronto posibel, basta e ekiponan konserni bai di akuerdo pa no termina  kampionato 2025. 

CSB lo kumpli ku e desishon di Komishon di Arbitrage. Eventual fecha, ora i lugá di  kontinuashon di e wega (nan)lo ser anunsia ofisialmente na su debido tempu. 

Curaçaose Softball Bond (CSB) 

Joyce van ‘t Kruys 

Sekretario-general