Ta intensifiká atenshon pa seguridat na skolnan despues di insidente grave / Verscherpte aandacht voor veiligheid op scholen na ernstig incident

Siman pasá tabatin un insidente grave ku a tuma lugá na un skol unda un studiante a saka un kuchú durante un pleitu ku un otro alumno. Un maestro ku a bai intervení pa stòp e situashon a resultá heridá. E insidente ta pone un biaha mas énfasis riba e importansia di un ambiente di skol sigur pa kada alumno i kada profeshonal di enseñansa.
Ministerio di Enseñansa, Siensia, Kultura i Deporte (ESKD) a intensifiká su atenshon riba siguridat na skolnan despues di e insidente. Den e proseso aki lo traha riba e maneho eksistente i si ta nesesario lo aselerá i intensifiká e medidanan.

Ta bon pa informá ku skolnan lo keda habrí djaluna.

Skolnan na Kòrsou lo keda habrí djaluna 21 di sèptèmber i edukashon lo kontinuá. Ministerio ta respetá e derechi di trahadónan pa organisá i ekspresá nan preokupashonnan.
Minister i su ministerio ta den kontakto direkto ku direktivanan di skol. Si resultá ku e reunion general ku SITEK a organisá pa djaluna mainta,  kondusí na falta di personal, direktivanan di skolnan ta tuma e medidanan apropiá pa duna guia na alumnonan.
Debí na e situashon di urgensia ku a presentá, sindikatonan SITEK i DOEN a risibí un invitashon pa un kòmbersashon urgente riba djamars 22 di sèptèmber pa 2or na Fort Amsterdam, tokante seguridat na skol. Minister di Hustisia, pero tambe vise promé minister, minister di Desaroyo Sosial, Trabou i Bienestar i di forma virtual minister di Enseñansa, Siensia, Kultura i Deporte lo ta presente na e kombersashon aki.

Siguridat na skol ta eksigí un aserkamentu amplio.

Siguridat na skol ta eksigí un maneho amplio i struktural. E ministerio ta trahando riba diferente medidanan, entre otro e korte di hóbennan, training den ‘herstelcirkels’ i koperashon entre skol i  “buurtregisseurs “. E reakshon rápido i adekuá di polis riba e último insidente ta konfirmá e importansia di e kolaborashon aki. Na mes momento lo revisá e medidanan di seguridat eksistente, ku atenshon spesial pa situashonnan di violensia grave òf uso di arma òf otro ophetonan peligroso.

Atenshon intensifiká i akshon konkreto.

E siman aki lo tin un enkuentro inter-ministerial ku e ministernan i instansianan relevante pa determiná medidanan konkreto riba término korto. Ademas, e plan di seguridat eksistente lo wòrdu implementá di un forma rápido i lo reforsá esaki kaminda ta nesesario. Tambe lo revisá e protokòlnan relashoná ku insidentenan di violensia grave y uso di arma of otro opheto peligroso. E konsekuensianan pa alumnonan ku ta trese arma òf otro artefaktonan peligroso na skol, òf ku ta pone alumnonan òf personal den peliger, ta ser evaluá atrobe. Kaminda ta nesesario, lo reforsá e medidanan. Mester ta kla pa kada alumno ku e tipo di komportashon aki ta pasa un liña di toleransia serio i ministerio lo sigurá ku esaki lo tin konsekuensianan kla i apropiá den kuadronan ku lei ta duna.

Kòrda ku ta trata di un kaso penal.

E insidente ta suheto di un investigashon kriminal. Si e echo i sirkunstansianan ta duna motibu, esakinan por kondusí na un akshon penal. E desishon aki ta keda den man di  outoridatnan hudisial kompetente pa evaluá esaki.
Skolnan Sigur ta un responsabilidat ku nos ta tuma na serio. Ministerio ta asumí su responsabilidat den esaki dor di aselerá i intensifiká medidanan di seguridat eksistente, kaminda ta nesesario, i sigui traha kontinuamente na un ambiente di skol sigur pa kada alumno i profeshonal di enseñansa.

---

 

Vorige week heeft zich op een school een ernstig incident voorgedaan waarbij een leerling een mes trok tijdens een conflict. Een docent die ingreep om de situatie te stoppen, raakte daarbij gewond.
Het incident onderstreept opnieuw het belang van een veilige schoolomgeving voor iedere leerling en iedere onderwijsprofessional. Het ministerie van Onderwijs, Wetenschap, Cultuur en Sport (OWCS) heeft naar aanleiding van het incident verscherpte aandacht voor de veiligheid op scholen. Daarbij wordt voortgebouwd op de bestaande aanpak en worden waar nodig maatregelen versneld en aangescherpt.

Scholen blijven maandag open

De scholen op Curaçao blijven maandag 21 september geopend en het onderwijs gaat door.
Het ministerie respecteert het recht van werknemers om zich te organiseren en hun zorgen kenbaar te maken. Het ministerie staat hierover rechtstreeks in contact met de schoolbesturen. Waar deelname aan de algemene vergadering die SITEK voor maandagochtend onder schooltijd heeft georganiseerd, leidt tot uitval van personeel, maken de schoolbesturen afspraken over de opvang en begeleiding van de leerlingen. In het kader van de urgentie van de situatie hebben de vakbonden SITEK en DOEN inmiddels een uitnodiging ontvangen voor een urgente bespreking op dinsdag 22 september om 14.00 uur in Fort Amsterdam, inzake de veiligheid op scholen. Bij deze bespreking zullen de minister van Justitie, tevens vicepremier, de minister van Sociale Ontwikkeling, Arbeid en Welzijn (SOAW) en de minister van Onderwijs, Wetenschap, Cultuur en Sport (OWCS) aanwezig zijn.

Veiligheid op scholen vraagt om een brede aanpak

Veiligheid op scholen vraagt om een brede en structurele aanpak. Het ministerie werkt reeds aan verschillende maatregelen, waaronder de Jongerenrechtbank, trainingen in Herstelcirkels en de samenwerking tussen scholen en buurtregisseurs. De snelle en adequate reactie van de politie bij het recente incident bevestigt het belang van deze samenwerking. Tegelijkertijd worden de bestaande veiligheidsmaatregelen opnieuw bezien, met bijzondere aandacht voor situaties waarin sprake is van ernstig geweld of het gebruik van wapens of andere gevaarlijke voorwerpen.

Verscherpte aandacht en concrete maatregelen

Deze week vindt een interministeriële bespreking plaats met de relevante ministers en instanties om concrete maatregelen voor de korte termijn vast te stellen.
Daarnaast wordt het bestaande veiligheidsplan versneld ingevoerd en waar nodig versterkt. Ook worden de protocollen rond ernstige geweldsincidenten en het gebruik van wapens of andere gevaarlijke voorwerpen opnieuw beoordeeld.
De consequenties voor leerlingen die wapens of andere gevaarlijke voorwerpen naar school brengen of daarmee leerlingen of personeel in gevaar brengen, worden opnieuw beoordeeld. Waar aanscherping binnen de wettelijke kaders noodzakelijk is, zal deze met urgentie worden doorgevoerd.
Het moet voor iedere leerling duidelijk zijn dat dergelijk gedrag een ernstige grens overschrijdt.
Het ministerie zal ervoor zorgen dat hieraan binnen de wettelijke kaders duidelijke en passende consequenties worden verbonden.

Strafrechtelijke opvolging

Het incident is onderwerp van een strafrechtelijk onderzoek. Indien de feiten en omstandigheden daartoe aanleiding geven, kunnen deze leiden tot strafrechtelijke vervolging. De verdere beoordeling daarvan ligt bij de bevoegde justitiële autoriteiten.

Veilige scholen zijn een verantwoordelijkheid die wij gezamenlijk en serieus dragen. Het ministerie neemt hierin zijn verantwoordelijkheid door bestaande veiligheidsmaatregelen te versnellen, waar nodig aan te scherpen en voortdurend te blijven werken aan een veilige schoolomgeving voor iedere leerling en iedere onderwijsprofessional.