Promé Minister Gilmar Pisas ta partisipá na e di 81 seshon di asamblea general di Nashonnan Uní / Minister-president Gilmar Pisas neemt deel aan de 81e zitting van de Algemene Vergadering van de Verenigde Naties

WILLEMSTAD – Promé Minister Gilmar Pisas ta partisipá e siman akí na New York na e siman di nivel haltu (High-Level week) di e di 81 seshon di Asamblea General di Nashonnan Uní (AVVN). E ta forma parti di e delegashon di Reino, huntu ku entre otro Promé Minister Rob Jetten di Hulanda, Minister Dowers di Aruba i Minister Conner di Sint Maarten.

Durante su estadia na New York, Promé Minister Pisas lo partisipá na diferente reunion i evento den kuadro di High-Level Week di Nashonnan Uní. Ademas, tin diferente enkuentro bilateral programá ku partnernan internashonal i representante di otro pais.

Un parti importante di e programa ta partisipashon di Promé Minister Pisas na reunionnan internashonal tokante temanan ku ta direktamente relevante pa Kòrsou i otro paisnan insular chikí.

Promé Minister Pisas lo duna, entre otro, un diskurso durante e Reunion di Nivel Haltu di Nashonnan Uní tokante oumento di nivel di laman (Sea Level Rise), ku lo ta organisá dor di e Presidente di Asamblea General. Promé Minister Pisas lo enfoká riba e konsekuensianan i e vulnerabilidat partikular di paisnan insular chikí. Kambio klimátiko i oumento di nivel di laman no ta solamente un reto ambiental pa paisnan insular, sino tambe un tema ku ta toka desaroyo ekonómiko, infrastruktura i futuro.

Ademas, Promé Minister lo papia tokante protekshon di menornan online durante un evento tokante e topíko aki. E enfoke lo ta riba protekshon di mucha i hóbennan den e ambiente digital, den un tempu kaminda medionan sosial, plataformanan digital i teknologianan nobo ta hunga un papel kada bes mas grandi den nan bida diario.

Presensia di Kòrsou na New York ta brinda tambe e oportunidat pa, durante diferente enkuentro bilateral, pone interesnan di nos pais dilanti, fortalesé relashonnan internashonal eksistente i eksplorá oportunidatnan nobo pa kooperashon.

Promé Minister Pisas ta enfatisá ku partisipashon na High-Level Week ta importante pa garantisá ku bos di Kòrsou ta ser skuchá i ku interesnan di nos pais ta bon representá den e kòmbersashonnan internashonal.

E delegashon di Promé Minister Pisas ta konsistí di e siguiente miembronan: Sra. Melissa Vásquez, Hefe di Gabinete i konsehero di Minister Presidènt; Sr. Djuric Comenentia, Sekretario General a.i. di Ministerio di Asuntunan General; i Sr. Jérôme Beeldsnijder, representante di Kòrsou na Washington D.C.

---

 

WILLEMSTAD – Minister-president Gilmar Pisas neemt deze week in New York deel aan de High-level week van de 81e Sessie van de Algemene Vergadering van de Verenigde Naties (AVVN). Hij maakt daarbij deel uit van de Koninkrijksdelegatie, samen met onder anderen minister-president Rob Jetten van Nederland, minister Dowers van Aruba en minister Conner van Sint Maarten.

Tijdens zijn verblijf in New York neemt minister-president Pisas deel aan verschillende bijeenkomsten in het kader van de High-Level Week van de Verenigde Naties. Daarnaast staan diverse bilaterale gesprekken met internationale partners en vertegenwoordigers van andere landen op het programma.

Een belangrijk onderdeel van het programma is de deelname van minister-president Pisas aan internationale bijeenkomsten over onderwerpen die direct relevant zijn voor Curaçao en andere kleine eilandstaten.

Minister-president Pisas zal onder meer een toespraak houden tijdens de VN High-Level Meeting over Sea Level Rise, waarbij aandacht wordt gevraagd voor de gevolgen van de stijgende zeespiegel en de bijzondere kwetsbaarheid van kleine eilandstaten. Klimaatverandering en de stijgende zeespiegel vormen voor eilandstaten niet alleen een milieuvraagstuk, maar raken ook hun economische ontwikkeling, infrastructuur en toekomstbestendigheid.

Daarnaast zal de minister-president spreken over bescherming van minderjarigen online tijdens een evenement over dit onderwerp. Hierbij staat de bescherming van kinderen en jongeren in de digitale omgeving centraal, in een tijd waarin sociale media, digitale platforms en nieuwe technologieën een steeds grotere rol spelen in hun dagelijks leven.

De aanwezigheid in New York biedt Curaçao tevens de gelegenheid om tijdens bilaterale gesprekken de belangen van het land onder de aandacht te brengen, bestaande internationale relaties te versterken en nieuwe mogelijkheden voor samenwerking te verkennen.

Minister-president Pisas benadrukt dat deelname aan de High-Level Week belangrijk is om ervoor te zorgen dat de stem en belangen van Curaçao ook binnen internationale gesprekken worden gehoord en vertegenwoordigd.

De delegatie van premier Pisas bestaat uit de volgende leden: mevrouw Melissa Vásquez, Kabinetschef en adviseur van de minister-president; de heer Djuric Comenentia, Secretaris-Generaal a.i. van het Ministerie van Algemene Zaken; en de heer Jérôme Beeldsnijder, vertegenwoordiger van Curaçao in Washington D.C.