Minister Shalten Hato: a sostené un kombersashon balioso di konosementu i eksplorashon entre Ministerio di Hustisia, Ministerio di Gobernashon, Planifikashon i Servisio Públiko i Komishon di Supervishon pa Protekshon di Datonan Personal BES.

Durante e kombersashon, e entidat supervisor di Boneiru a profundisá riba e proseso di datonan personal i a duna un splikashon tokante e struktura i forma di trabou di e Komishon. Ademas, nan a kompartí eksperensianan relashoná ku e supervishon ku nan a hasi riba protekshon i proseso di datonan personal. Esaki a brinda perspektivanan balioso pa sigui desaroyá e sistema na Kòrsou.

Durante e interkambio, nos tambe por a splika na kua fase nos ta aktualmente, inkluyendo e trayekto pa yega na legislashon nobo den área di protekshon i proseso di datonan personal.