Parlamento di Kòrsou Komishon Sentral ta kontinuá ku tratamentu di Rijkswet houdende regels met betrekking tot de uitlevering voor Aruba, Curaçao en Sint Maarten i puntonan di agènda adishonal.

Djárason, 7 di òktober 2026, Parlamento di Kòrsou a kontinuá ku e Reunion di Komishon Sentral, ku a keda skòrs djaluna 24 di ougùstùs 2026. Bou di guia di Presidente di Parlamento, sr. Fergino Brownbill, a kuminsá ku tratamento di e di dos punto di agenda “Rijkswet uitlevering Aruba, Curaçao en Sint Maarten”; a habrí e úniko tanda pa Miembronan di Parlamento por hasi pregunta. Mirando ku no tabatin ningun inskripshon riba e lista di orador, Presidente a proponé pa saka un relato blanku riba e proposishon di Lei di Reino aki.

Alabes, Komishon Sentral a trata e siguiente proposishon i otro puntonan, entre otro:

• Proposishon di biahe pa Hulanda relashoná ku “InterExpo 2026”, kual lo tuma lugá di 8 te ku 10 di desèmber 2026.

• Proposishon di biahe pa Sint Maarten relashoná ku IPKO, kual lo tuma lugá di 13 te ku 15 di yanüari 2027.

• Fecha pa entregá pregunta i remarke pa relato di “Ontwerplandsverordening tot vaststelling van de begroting van Curaçao voor het dienstjaar 2027”.

• Proposishon pa stipulashon di e komishon temporal: “Tijdelijke Commissie Herdenking 90 jaar Staten”.

• Proposishon pa stipulashon di e komishon temporal: “Komishon Temporal Premio di Rekonosementu”.

• Proposishon pa stipulashon di e komishon fiho: “Vaste Commissie Algemene Zaken”.

• Proposishon pa stipulashon di e komishon temporal: “Tijdelijke Commissie Dekolonisatie”.

Parlamento a bai di akuerdo ku e proposishonnan i puntonan ariba menshoná.

Na final di e reunion, Presidente di Parlamento, sr. Fergino Brownbill, a sera e reunion.