Detenshon relashoná ku violensia relashonal i maltrato i destrukshon
KUERPO POLISIAL KÒRSOU
KOMUNIKADO DI PRENSA
347/2026
8 òktober 2026
Detenshon relashoná ku violensia relashonal i maltrato i destrukshon
Djaweps 8 di òktober 2026 alrededor di 07.15’or, Sentral di Polis a haña notifikashon ku un hòmber tabata maltratá su pareha den Bramendiweg. Na yegada polis a topa ku un dama ku a deklará ku un ratu promé e tabatin pleitu ku su pareha i esaki lo a maltrat’é.
I tambe e hòmber aki a pega un skuter di e dama na kandela.
Na e sitio polis a detené e hòmber O.J.L.P. di 33 aña di edat nasé na Venezuela, pa e maltrato ariba menshoná.
A presentá e sospechoso dilanti un fiskal ouksiliar ku a ordená su enkarselamentu pendiente di mas investigashon.

