KIKO TA PASANDO

E uniko kaminda ku bo ta haña tur informashon kompletamente gratis. Klik anto lesa. Manda tur loke bo ke pa wordu publika i invitashon pa kubri rueda di prensa na e Email: kikotapasando@outlook.com

NOTISIA POLISIAL

Kontròl riba establesimentunan di permít 

KUERPO POLISIAL KÒRSOU 

 

KOMUNIKADO DI PRENSA

350/2026

10 òktober 2026 

Kontròl riba establesimentunan di permít 

Simultaneamente ku e kontròlnan ku ta tumando lugá riba kaya den  kuadro di kombatimentu di kriminalidat i halsamentu di e seguridat bou di  siudadanonan, e tim di Departamentu di Permít di Kuerpo Polisial huntu  ku e tim di M.E.O. a tene kontròl na establesimentunan di permít. 

Riba djárason 7 i djaweps 8 di òktober 2026, e tim a kontrolá no menos ku  15 establesimentu di permít. 

E omishonnan ku mas a resaltá durante di e kontròlnan aki tabata: ➢ Falta di indikashon di preis; 

➢ Stul i mesa pafó di e establesimentu ku no tin permít pa esaki ni pa  konsumo na e sitio; 

➢ Otro muzik ku no ta esun di fondo. 

Na un establesimentu a topa un menor di edat den e lokalidat ku a wòrdu  atendé. 

Un establesimentu a wordu sera debi ku e propietario no por a mustra su  dokumentunan. 

Na un otro snèk, a enkontrá bebida alkohóliko stèrki, di kua e  

establesimentu no tin permít pa bende. 

Kontra di tur e violashonnan aki, e tim a aktua inmediatamente. 

Den próksimo dianan e kontròlnan aki lo kontinuá.

 

639114718427035"
639114718427035"