KUERPO POLISIAL KÒRSOU 

KOMUNIKADO DI PRENSA

349/2026

10 òktober 2026 

Skelèt humano lokalisá 

Djasabra 10 di òktober 2026 alrededor di 09.36’or, Sentral di Polis a dirigí un unidat pa un adrès na Las Almas, kaminda un a bin deskubrí un skelèt  humano. 

Na yegada di e unidat, el a topa den kurá di un kas ku no ta habitá, skelèt di  un kurpa humano un poko bou di tera. 

Personal di e tim forensiko a presentá na e sitio huntu ku reshèrshinan  táktiko, ku mesora a kuminsá ku e investigashon korespondiente. No por saka afó te na e momentunan aki ku ta trata di skelèt di un persona  maskulino of femenino. 

No ta ekskluí e posibilidat ku aki ta trata di un persona ku tabata perdí. Riba òrdu di fiskal di Ministerio Públiko a konfiská e kadaver pa mas  investigashon.