Minister Shalten Hato {𝗥𝗘𝗞𝗢𝗡𝗢𝗦𝗜𝗠𝗘𝗡𝗧𝗨 𝗡𝗔 𝗖𝗨𝗥𝗠𝗜𝗟}

Awe mainta trempan mi a asistí pa selebrá un dia spesial, Dia di e personal di CURMIL. Un dia kaminda nos a pone e personal komo sentro di atenshon i rekonosé nan disiplina, perseveransia i deseo pa krese komo persona.

CURMIL ta muchu mas ku un trayekto di formashon militar. E ta unda hòmber i muhé ta siña e balor di rèspèt, responsabilidat, trabou den tim i, mas importante ainda, konfia den nan mes.

Komo Minister di Hustisia, mi ta kere firmemente ku invertí den nos hóbennan ta invertí den futuro di Kòrsou. Kada hóben ku nos logra guia riba e bon kaminda ta un paso dilanti pa un komunidat mas fuerte, mas sigur i mas unido.

Pabien na tur miembro di CURMIL ku boso dia. Sigui ku disiplina, honor i determinashon.