Brigada di Seguridat i Formashon ta habri temporada di reklutashon  pa lider boluntario te ku 22 di ougùstùs 2019  Boluntario for  di 30 aña por inskribí awor mes !!

Brigada di Seguridat i Formashon ta habri temporada di reklutashon  pa lider boluntario te ku 22 di ougùstùs 2019 

Boluntario for  di 30 aña por inskribí awor mes !!

 

Willemstad – Brigada di Seguridat i Formashon ta un proyekto di Fundashon Bos di Hubentut kaminda hóbennan entre 15 i 25 aña ta vigilá seguridat di mucha hóben durante eventonan públiko. E idea di brigada a lanta na aña 2004 ora Hudraine Papa a bira viktima den e aktividat públiko di seú kual a kosta su bida pa falta di seguridat. E aksidente aki a motivá Fundashon Bos Di Hubentut pa tuma inisiativá pa lanta un brigada  formá dor di hóben bon prepará mental i físikamente pa por duna asistenstia den aktividatnan manera karnaval di mucha, parada di tiner, seú i otro aktividat públiko. Miembronan di BSF tur wikènt ta sigui trainingnan intensivo di entre otro: training di kondishon i training mental. Miembronan di brigada ta partisipá na aktividatnan manera “Survival Camp”, “Trainings Camp”,i teambuilding. 

 

Brigada di Seguridat i Formashon (BSF) ta un proyekto dinámiko ku ta eksistí 14 aña . Brigada di Seguridat i Formashon ta buskando boluntario for di 30 aña bai ariba ku ke bai e reto huntu ku nos i duna un man pa yuda forma nos hóbennan. Bo ta bini na remarke, si bo tin afinidat pa guia hóben òf bo tin e background di traha ku hóben, si bo ta fleksibel den bo tempu i ta konsiderá bo mes un persona dediká. Brigada ta duna oportunidat na boluntario pa inskribi i forma parti di e Tim di lider  pa Brigada. E periodo di reklutashon ta kuminsa dor di awor pa 22 di ougùstùs 2019.

 

Pa por inskribí por manda bo karta di solisitut  huntu ku CV na bsf@bosdihubentut.com promé ku 22 di ougùstùs. Pa mas informashon por tuma kontakto na 461-2825 of nos facebookpage; Brigada di Seguridat i Formashon. Ofisina di Brigada ta keda na laufferstraat z/n pegá ku Tennisbaan na Mundu Nobo di 8 or di mainta pa 5 or di atardi.

 

Nos ta konta ku bo, huntu nos por logra mas.