Tur kos ta kla pa e magno evento di beyesa di hubentut Miss Teenage Curaçao 2026

 

QMQ Organization ta kla pa presentá e final di Miss Teenage Curaçao 2026.

Selebrando 5 aña, QMQ por wa bèk riba 5 aña di kresementu, lucha, trabou duru, esfuero, reto i éksito nan lokal i internashonal.

Djabièrnè awor, 30 di òktober Kòrsou kompletu lo bai disfrutá di un show riba nivel haltu produsí pa Edmee Haard Statia. 

E aña aki nos produktor Edmee a disidí di hiba nos den un zona royal tropical. Viva la Quinta  Tropicana Royal. Esaki ta tema di e 5 edishon di Miss Teenage Curaçao.

Por bai disfrutá di un bunita opening huntu ku e 5 beyesa nan, grupo di baila i e toke di Viva la Quinta Tropicana Royal.

E 5 beyesa nan ku lo kompeti e anochi aki ta;

1 Marianchely Arrindell

2 Francindy Sebelon

3 Breanna Martines

4 Kimberly Jimenez

5 Royjenica Martha

 

Publiko por bai disfrutá di 3 presentashon ofisial e anochi aki. Promé presentashon ofisial, e 5 beyesa nan den traha uniformá, di dos presentashon e beyesa nan den trahe nan di baño di Beautifull Boutique i e último presentashon lo ta esun di trahe di gala.

E anochi lo konta tambe un ku un ròndu di pregunta. Pa despues konosé e ganador nan dje anochi.

Pa despues nos aktual Miss Teenage Curaçao Thalina Gil, hasi su último kaminata komo Miss Teenage Curaçao.

E 5 beyesa nan aki ta bon prepará ku yen di entusiasmo i ta kla pa laga pueblo di Kòrsou disfrutá di un anochi super bunita. E 5 beyesa nan a risibí diferente lès di komumikason, pasarela, papia den públiko, baile i makiyahe. Poniendo enfasis riba e parti sosial tambe.

E anochi lo keda kondusí pa Dany Balentien ku e aña aki ta keda kompaña pa un debutante den kondushon di e magno evento ku ta nos Miss Teenage 2023 Amanda Verkerk.

QMQ organization ta kere den nos hóbennan i semper ta duna nan e oportunidat pa demostrá nan talento.

Karchi nan ta optenibel serka tur partisipante i tambe serka e tim di QMQ Organization, pa únikamente XCG 85,00 i si sobra na porta e lo tin un kosto di XCG 100,00.

QMQ Organization, ta yama danki na su sponsor nan ku ta hasi e sertamen aki posibel, danki di kurason na; Azona Rentals & More, By Mole, RS Photography, Choco Photofgraphy, ShotByGhetto, MediaMax, Mor & Ena Beauty Salon, L’Amore D’Kiona, Beautiful Boutique i Jsupriana Photography.

Pueblo di Kòrsou huntu ku tur amante di beyesa ta keda kordiamente invitá pa djabièrnè awor 30 di òktober pa presensia un bunita show. Porta habri for di 7or, i 8or show final ta start.

Keda sigui página nan ofisial di QMQ riba FB i Instagram pa sigui tur desaroyo di Miss Teenage Curaçao, e di 5 edishon.