Presidentenan di Parlamentonan di Aruba, Kòrsou i Sint Maarten a bin huntu den un reunion anual pa kordiná i interkambiá esfuersonan ku e Parlamentonan aki ta hasiendo pa mehora nan funshonamentu i koperashon mutuo.

Entre otro a deliberá riba koperashon riba nivel di komishonnan i intensivá e kolaborashon riba tópikonan ku ta aktual den nos region atrabes di plataformanan parlamentario manera Parlatino i Parlamericas. Tambe a trata e tema di integridat i a interkambiá eksperensia pa loke ta trata fortalesementu di e ròl di Parlamento komo outoridat riba presupuesto di pais i kon por fortalesé e instituto i su posishon independiente. Den esei mehorashon di funshonamentu di miembronan i personal ta importante i lo sigui traha huntu pa oumentá konosementu i profeshonalismo.

Presidente, Fergino Brownbill, ta ba Tenerife, Spaña, den kuadro di un konferensia interparlamentario Eurolat.