KUERPO POLISIAL KÒRSOU 

KOMUNIKADO DI PRENSA

401/2026

6 novèmber 2026 

Di tres detenshon den kaso di asesinato na Playa Jeremi 

Kontinuando ku investigashon den e kaso di asesinato ku a tuma lugá dia  25 di sèptèmber 2026 na Playa Jeremi, (Komunikado di Prensa 323/2026),  polis a hasi detenshon.  

Djabièrnè 6 di novèmber 2026, alrededor di 04.30’or, polis a tene un  entrada hudisial na un kas den área di Bou Barber.  

Durante di e entrada hudisial a haña i konfiská artíkulonan ku ta di  importansia pa e investigashon. 

Despues di e entrada hudisial Tim di Aresto a hasi detenshon di e hóben  Q.T.F. di 16 aña di edat nasé na Kòrsou. 

A presentá e sospechoso dilanti di un fiskal ouksiliar ku a ordená su  enkarselamentu pendiente di mas investigashon.