CHATA – Curaçao Hospitality & Tourism Association: Minister di Asuntunan Ekonomiko di Hulanda, señora Heleen Herbert

CHATA – Curaçao Hospitality & Tourism Association

Tabata un honor pa nos por a tin un bon i konstruktivo kombersashon ku Minister di Asuntunan Ekonomiko di Hulanda, señora Heleen Herbert, tokante e ekonomia di Kòrsou, e kresementu di turismo i kon nos por sigui desaroyá nos pais di un manera ekilibrá i sostenibel.

Nos ta kere ku den tur desaroyo, hende, naturalesa i e identidat di Kòrsou mester keda na promé lugá.

Nos ke atraé bishitantenan ku ta apresiá Kòrsou pa loke e ta i ku ta disfrutá i balorá nos músika, nos kuminda, nos arte, nos kultura, nos historia i nos naturalesa.

Enkontrá e ekilibrio korekto ta algu ku nos mester sigui traha riba dje. Nos ta mira diversifikashon di ekonomia tambe komo algu importante, pa turismo por sigui aportá na nos prosperidat, miéntras ku otro sektornan ta haña oportunidat pa krese i kontribuí na un ekonomia di Kòrsou mas fuerte i diverso.