WFM Ailén Mena kampeon femenino di ahedres pa di kuater aña konsekutivo.

WFM Ailén Mena kampeon femenino di ahedres pa di kuater aña konsekutivo.
Durante e wikènt di 1 i 2 di òktober e hoben Ailén Mena ta logra retene su ultimo di kampeon femenino un biaha mas ku un skor perfekto di sinku punto for di sinku wega.
No menos ku 15 ahedresista a partisipa na e kampeonato organisá pa Federashon di Ahedres Kòrsou (FEDAKO) na Lions Dive & Beach Resort kual ta spònser di e evento aki tur aña. Ailén Mena a hanya fuerte bataya durante diferente wega, espesialmente den su weganan kontra WCM Seydi Salim Moussa i Tahis Winklaar, pero na final niun di e dos damanan aki no a logra di kita punto for di e kampeon.
Durante e seremonia di premiashon Minister Irene Dick a hasi entrega di premio despues di palabranan di elogio i motivashon bon eskohí.
FEDAKO por mira atras riba otro evento hopi eksitoso i spera di mira mas kresementu den futuro den e kantidat di partisipantenan femenino na e deporte noble di ahedres.
E resultadonan final di e kampeonato femenino 2016 tabata lo siguiente.
Kategoria Overall:
1) WFM Ailén Mena (5 punto)
2) Mariana Sanchez (4 punto)
3) Tahis Winklaar (4 punto)
Kategoria bou di 14 aña:
1) Daniela Wanga (3 punto)
2) Argeenie Pieters (3 punto)
3) Vienna Maduro (2 punto)
Kategoria bou di 20 aña:
1) WFM Ailén Mena (5 punto)
2) Mariana Sanchez (4 punto)
3) Giomy Kleppper (3 punto)