Pronóstiko di tempu pa Kòrsou i bisindario bálido te djarason atardi 18:00 o.l., 5 di òktober 2016.

Pronóstiko
Pronóstiko di tempu pa Kòrsou i bisindario bálido te djarason atardi 18:00 o.l., 5 di òktober 2016.
Kompilá: Djamars 4 di òktober 2016, 17:00 o.l. (21:00 UTC)
KODIGO ROS: UN ALERTA PA MOTIBU DI RESAKE TA NA VIGOR PA KOSTANAN WÈST.
Tempu: Parsialmente te hopi nublá i wer lo ta seku .
Temperatura máksimo lo alkansá 33ºC i temperatura mínimo, 27ºC. 
Solo ta sali 06:25 i e lo baha 18:23 o.l.
Bientu: Por lo general for di direkshon suitost i moderá te basta fuerte; forsa 3 te 5 (11 te 39 km/ora, 7 te 21 nudo).
Situashon general: Dor di presensha ainda di Orkan Matthew nortwèst di nos region, lo tin un bientu for di sùitost riba nos region. Lo tin momentunan ku bastante nubia di nivel mas nivel haltu ku ta pasa riba nos área, kual gradualmente ta birando ménos durante e próksimo 24 ora. E nubianan aki lo no generá áwaseru i p’esei un tempu generalmente seku lo prevalesé.
Kondishon di laman: Por lo general moderá ku altura di olanan entre di 1 i 2.5 meter (3 pa 8 pia). Ta urgí pa tene kuenta ku resake fuerte na kostanan west.
Sistemanan signifikante di wer tropikal: Orkan Matthew  tabata situá awe tardi riba parti sentral di Laman Karibe wèst di Port-au-Prince na Haiti. E sistema ta sigui move pokopoko den direkshon nort alehando su mes for di nos region. Servisio Meteorológiko Kòrsou sinembargo ta keda vigilá e sistema aki ku  atenshon. Den transkurso di awe mèrdia Tormenta Tropikal Nicole a forma riba osean Atlántiko west na un distansia di mas o ménos 820km nortost di Puerto Rico i ta move den direkshon nortwèst. Nicole no ta forma menasa pa Área di Karibe.

Fenómeno spesial: Ningun.
Pèrspektiva te djaweps atardi: Por lo general parsialmente nublá i durante di mardugá i mainta por kai lokalmente algu áwaseru di durashon kòrtiku.
Meteorólogo: Abraham.
E próksimo boletin di tempu lo wòrdu publiká djarason 06:00 o.l. (10:00 UTC).

Advertisements

This site uses Akismet to reduce spam. Learn how your comment data is processed.

error: Content is protected !!
%d bloggers like this: