Partido PAIS a risibi un karta di Sr. Alex Rosaria den kual e ta partisipá na Partido ku e ta retirá komo lider polítiko di Partido PAIS

Apresiabel miembro di prensa,
Partido PAIS a risibi un karta di Sr. Alex Rosaria den kual e ta partisipá na Partido ku e ta retirá komo lider polítiko di Partido PAIS.
E karta di Sr. Rosaria ta bisa tekstualmente:
“Enbista di e resultado di e elekshon ayera mi ta dunabo di konosé ku mi ta retirá awe komo lider polítiko. Mi a sirbi nos partido den e kapasidat aki for di 2010 ku onor i plaser. Mi ta gradesibo, direktiva, nos kandidatonan, miembronan, i simpatisantenan pa e konfiansa.”
Direktiva di Partido PAIS lo bai reuni próksimamente ku miembronan pa fiha un posishon pa ku liderasgo di partido.
Sperando di a informabo sufisientemente.

Partido PAIS