Gerensia di MCB i Area 51 ta sorpresá alumnonan di St. Antonius College Kompetensia #100PaSalú di MCB hopi popular bou di e skolnan

Gerensia di MCB i Area 51 ta sorpresá alumnonan di St. Antonius College Kompetensia #100PaSalú di MCB hopi popular bou di e skolnan

Willemstad – Den luna di ougùstùs Maduro & Curiel’s Bank, den kuadro di su selebrashon rumbo pa 100 aña, a lansa e proyekto #100PaSalú. E ta un kompetensia spesial pa mucha i hóbennan di skol di fundeshi, spesial i sekundario kaminda di un forma kreativo, edukativo i dibertido ta kompetí den kategoria di #MiTrònchi i #MiBòdita100. Na final di e kompetensia MCB ta repartí mas ku NAf. 30.000,- bou di e skolnan ganadó.

E ánimo bou di e skolnan ta grandi i un total di 50 skol a inskribí pa partisipá. Gerensia di MCB ta sumamente kontentu ku e ánimo ta asina grandi bou di e skolnan. Esaki ta nifiká ku tin nesesidat grandi pa konsientisá nos hubentut riba e aspekto importante di nos salú.

Komo parti di e kompetensia e skolnan tin chèns di gana un presentashon sorpresa di Area 51 den pousa. Awe a toka turno na St. Antonius College ku ta sumamente aktivo i entusiasmá ku e kompetensia. Diferente aktividat i lès a keda hasí pa konsientisá e muchanan di e importansia di un bida i skol salú.

Ta bon pa e skolnan partisipante laga MCB sa di nan diferente aktividatnan asina nan tambe tin chèns di gana un presentashon di Area 51. “Like” e Facebook page http://www.facebook.com/MCB100pasalu pa bo keda na altura di tur desaroyo i tepnan balioso. Alumnonan por “upload” potrèt i video ku e #MiBòdiTa100 òf #MiTrònchi i nòmber di nan skol. Mas tantu “Like & share” mas tantu èkstra punto e skol por risibí, ku tambe ta konta, pa e final.

Pa mas informashon por yama 466 0523 òf 466 1295. Tambe por manda un email pa 100pasalu@mcb-bank.com. Ban pa un skol i bida mas salú!

7 di òktober 2016

_mg_9693

_mg_9698

_mg_9732

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: