Fundashon Edukashon Dirigènt i Korista (EDK) ta organisá Konsierto pa rekoudá fondo ku Politieharmonie i Koro di EDK

Fundashon Edukashon Dirigènt i Korista (EDK) ta organisá Konsierto pa rekoudá fondo ku Politieharmonie i Koro di EDK

Fundashon Edukashon Dirigènt i Korista (EDK) ta bai organisá un konsierto pa rekoudá fondo ku presentashon di Koro di EDK i di Politieharmonie.
E aktividat aki ta tuma lugá 30 di òktober 2016 di 6’or te ku 8’or di anochi na Maranathakerk, Goeroeboeroeweg 2, Charo (frente El Consolador). Karchi di entrada ta NAf. 25,-.

Meta di e aktividat aki ta pa generá entrada pa Fundashon EDK por kubrí su gastunan pa su proyektonan di formashon di lidernan di kor i korista i pa kubri gastu di dosente. Fundashon EDK ta organisá tambe tayer di Kanto Koral i Direkshon Koral. Ademas tin planiá pa organisá proyektonan pa hoben manera Festival di Kor di Skol di Fundeshi i lanta un Kor Nashonal Hubenil.

Kontribui ku formashon musikal. Hasi muzik ta stimulá balansa mental i ta stimulá selebro su funshonamentu. Esun ku ta studia muzik ta stimulá su desaroyo general i interakshon sosial. Ora hende ta hasi muzik i kanta e ta haña energia i e ta sintí su mes mas mihó. Hasi muzik ta kontribui na bienestar general di komunidat.
Fundashon EDK ta konta ku sostén di un i tur pa sostené e aktividat positivo aki. Karchi di entrada ta optenibel na Boekhandel Mensing’s Caminada, Bruna, Boekhandel Boekplus, Samsom Bookstore i na Fortkerk. Pa mas informashon i reservashon di karchi por tuma kontakto ku siguiente personanan: Sra. J. Petrona: tel. 789-1742 / 517-4303; e-mailadres: jlpetrona@gmail.com, òf sra. M. Lieuw, tel. 512-0224; e-mailadres: fundashonedk@gmail.com.

Presidente Fundashon Edukashon Dirigènt i Korista

Herbert Rosini

This site uses Akismet to reduce spam. Learn how your comment data is processed.

%d bloggers like this: