KOMUNIKADO DI KUERPO POLISIAL KÒRSOU Tópiko: un detenshon pa intento di asesinato
KOMUNIKADO DI KUERPO POLISIAL KÒRSOU.
no: 351 /2016
Fecha: 13 òktober 2016
Tópiko: un detenshon pa intento di asesinato
________________________________________
Djaweps 13 di òktober 2016, alrededor di 08.55 or, Sentral di Polis a dirigí un patruya na Kaminda Mitologia pa un kaso di tiramentu.
Na e adrès ariba menshoná e hòmber víktima a deklará na polis ku el a bai na e adrès aki, pa motibu ku el a haña informashon ku su kachó ku el a pèrdè algun dia pasa, lo ta na e kas ei. Relashoná ku esaki a surgi un diskushon ku un miembro di e famia i dado momento e sospechoso a saka un arma i los algun tiru dirigí riba e víktima ku tabata den su outo. E outo a haña algun perforashon di bala. Despues di un investigashon alrededor di 09.45, polis a detené e hòmber R.A.H. nasé na Kòrsou di 26 aña di edat, komo sospechoso pa intento di asesinato.
A presentá e sospechoso dilanti di un fiskal ouksiliar i el a keda será, pendiente di mas investigashon.