Korte a trata awe mainta, djabièrnè 14 di òktober 2016, vários kaso di estafa kometé dor di e hòmber V.E.M. (Kòrsou, 1962). 

Posted by

​Info OM:
Korte a trata awe mainta, djabièrnè 14 di òktober 2016, vários kaso di estafa kometé dor di e hòmber V.E.M. (Kòrsou, 1962). M. a logra konvensé vários persona ku e ta trahadó di e kompania KTK, CPA i PdVSA i por ofresé outo, kòmpiuter, telefon, laptop i artíkulo elektróniko na un preis di ganga, esta barata. 
E akusashon di estafa a tuma lugá na vários momentu entre 2011 i 2015, esaki di akuerdo ku e akusashon di parti di Ministerio Públiko (OM). Konforme denunsia di e víktimanan el a estafá mas o menos 10.000 florin di e víktima E.T.J., 1.000 florin di W.A.P., 1.200 florin di C.C.D., 600 florin di K.R.M., 1.950 florin di G.M.H. 2.000 florin di Y.M.D.M. 1.500 florin di M.L.H. i 200 florin di D.N.C. Ku esaki M. a violá por lo ménos dos artíkulo di Kódigo Penal di Kòrsou (Wetboek van Strafrecht Curaçao), esta artíkulo 2:299 i artíkulo 2:305.
E sospechoso mes no tabata presente awe den Korte. Su abogado si tabata presente. Wes a disidi pa sigui ku e kaso sin e sospechoso komo ku M. tabata na altura ku awe lo a trata su kaso. Den Korte tambe a presenta 4 viktima di estafa. Nan a entrega varios demanda pa daño perhuisio pa logra rekobrá nan plaka bek.
M. tin un karchi kastigu. Anteriormente kaba el a keda sentensiá na 14 luna di prison pa estafa. Den e kaso di awe el a sinta kasi 1 luna den aresto preventivo. El a keda detené 8 òktober 2015, pero a lage bai kas 2 novèmber 2015 pendiente pa tratamentu di su kaso.
Den e kaso aki Fiskal di Ministerio Públiko a hasi un demanda di 20 luna di prison. Esaki debi ku aki ta trata di un residivista. Wes na final di tratamentu, i despues di a skucha tur partido den e kaso, a sentensiá e habitante di bario di Montaña Abou na un kastigu di 20 luna konforme e demanda di Fiskal. Wes a haña e kondenado tambe responsabel pa paga bek un montante di 9.500 florin na daño perhuisio na e viktimanan. Wes a stipulá ku gobiernu tin ku adelantá e plaka na e viktimanan.

Advertisements

Leave a Reply

Please log in using one of these methods to post your comment:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

This site uses Akismet to reduce spam. Learn how your comment data is processed.