Djárason 26 di òktober Hof ta bai trata kaso den apelashon (Hoger Beroep) kontra sr. Gerrit Schotte i sra. Cicely van der Dijs komo “regiezitting”.

October 14, 2016 REDAKSHON

Info OM:
Djárason 26 di òktober Hof ta bai trata kaso den apelashon (Hoger Beroep) kontra sr. Gerrit Schotte i sra. Cicely van der Dijs komo “regiezitting”.

Esaki ta un promé paso promé ku tratamentu ku kontenido. E kaso ta programá pa kuminsá 9 or di mainta.

Manera konosí ta trata di un kaso den kual sr. Schotte i sra. Van der Dijs a apelá nan sentensia di dia 11 di mart 2016. Nan a keda sentensia e dia ei pa falsifikashon di dokumento, labamentu di plaka, korupshon (ambtelijke omkoping), denunsia falsu di pèrdida di pasaporte diplomátiko i poseshon di jammers. Nan a keda sentensiá na respektivamente 3 aña i 18 luna di prisòn di kual 9 kondishonal. Sr. Schotte a haña ademas komo kastigu ku e no mag pone su mes eligibel pa elekshon pa un periodo di 5 aña.