Pronóstiko di tempu pa Kòrsou i bisindario bálido te djadumingu mainta 06:00 o.l., 16 di òktober 2016.

Pronóstiko
Pronóstiko di tempu pa Kòrsou i bisindario bálido te djadumingu mainta 06:00 o.l., 16 di òktober 2016.
Kompilá: Djasabra 15 di òktober 2016, 05:00 o.l. (09:00 UTC)
KÓDIGO HEL: OLA HALTU KOUSÁ DOR DI RESAKE FOR DI NORT TA KEDA POSIBEL NA NOS KOSTA NORT. 
Tempu: Lévemente te parsialmente nublá i tantu awe mainta komo mañan mardugá lo kai lokalmente algu di áwaseru. Sobrá di tempu nos wer lo ta seku..
Temperatura máksimo lo alkansá 33ºC i temperatura mínimo, 26ºC.
Solo ta sali 06:26 i e lo baha 18:17 o.l.
Bientu: For di direkshon ost i moderá; forsa 3 te 4 (12 te 30 km/ora, 7 te 16 nudo). Espesialmente den dia òf den posibel áwaseru, de bes en kuando basta fuerte; forsa 5 (31 te 39 km/ora, 17 te 21 nudo).
Situashon general: Durante di próksimo 24 ora lo tin de bes en kuando formashon di mas nubia riba nos region i espesialmente durante di mardugá i mainta lo kai lokalmente algu di áwaseru di durashon kòrtiku. Na final di wikènt ta antisipá gradualmente mas nubia i e posibilidat pa áwaseru tambe lo bira mas grandi. Na mes momentu bientu lo mengua un poko.
Kondishon di laman: Trankil te moderá ku altura di olanan entre di 0.5 i 1.5 meter (2 te 5 pia). Ta sigui antisipá sin embargo ku resake generá dor di Nicole por kousa ola haltu na nos kosta nort durante próksimo dianan. P’e motibu ei ta sigui mantené un situashon di prekoushon (Kódigo Hel) pa ola haltu i ta pidi pa tene kuenta ku esaki. 
Sistemanan signifikante di wer tropikal: Nicole a debilitá bira tormenta tropikal bèk riba parti nort di Osean Atlántiko, pero e lo bolbe bira orkan, un biaha mas. E tabata moviendo den direkshon ost nortost. E sistema aki no ta forma menasa pa nos region.

Fenómeno spesial: Ningun.
Pèrspektiva te djaluna mainta: Gradualmente mas nubia lo yena i lokalmente lo kai algun áwaseru ku posibilidat pa bos.
Meteorólogo: Capello
E próksimo boletin di tempu (na hulandes) lo wòrdu publiká djasabra 11:00 o.l. (15:00 UTC).