Depreshon Tropikal “Dies” situá awe nochi riba Osean Atlántiko ta move den un direkshon wèst nortwèst.

Depreshon Tropikal “Dies” situá awe nochi riba Osean Atlántiko ta move den un direkshon wèst nortwèst. E sistema aki tin potensial pa bira un tormenta tropikal durante e próksimo oranan. Manera nos di Servisio Meteorológiko Kòrsou a indiká den nos grabashon di djaluna ultimo, e sistema aki por bai bira di interes pa Islariba (St.Maarten, St.Eustatius, Saba).

Mas aleu Orkan Humberto lo sigui intensifiká promé ku alkansá bisindario di e isla di Bermuda.

Tormenta Tropikal Imelda a debilitá i a bira un depreshon tropikal.