Pronóstiko di tempu pa Kòrsou i bisindario bálido te djabièrnè mainta 06:00 o.l., 21 di òktober 2016.

Pronóstiko di tempu pa Kòrsou i bisindario bálido te djabièrnè mainta 06:00 o.l., 21 di òktober 2016.
Kompilá: Djaweps 20 di òktober 2016, 05:00 o.l. (09:00 UTC)

Tempu: Por lo general parsialmente nublá i lokalmente lo kai un áwaseru durante di awe mainta. Durante di sobrá di awe i tambe mañan nos wer lo keda generalmente seku.

Temperatura máksimo lo alkansá 34ºC i temperatura mínimo, 26ºC.
Solo ta sali 06:26 i e lo baha 18:15 o.l.

Bientu: For di un direkshon entre di ost i sùitost i suak te moderá; forsa 3 te 4 (7 te 22 km/ora, 4 te 16 nudo). Prinsipalmente den dia i durante di posibel áwaseru, de bes en kuando basta fuerte den ráfaga; forsa 5 (31 te 39 km/ora, 17 te 21 nudo).

Situashon general: E disturbio riba parti sentral di Laman Karibe durante di próksimo 24 ora lo debilitá gradualmente. Su influensha riba nos wer p’e motibu ei tambe lo bira ménos pero awe ainda e por pone algun nubia asosiá kuné forma riba nos region. Lokalmente lo kai algu di áwaseru pero wer seku lo prevalesé mas lat den dia i tambe mañan. Nos bientu tambe gradualmente lo bai supla atrobe ku mas persistensha for di direkshon ost. 

Kondishon di laman: Trankil te moderá ku altura di olanan entre di 0.5 i 1.5 meter (2 te 5 pia).

Sistemanan signifikante di wer tropikal: Un área di preshon abou situá riba parti wèst di Osean Atlántiko, nortost di Islanan Bahamas, ketu bai tin e potensha di bira un siklon tropikal òf subtropikal durante di próksimo dos dianan.

Fenómeno spesial: Ningun.

Pèrspektiva te djasabra mainta: Por lo general parsialmente nublá i wer seku lo prevalesé.

Meteorólogo: Capello.

E próksimo boletin di tempu lo wòrdu publiká (na hulandes) djaweps 11:00 o.l. (15:00 UTC).