Adaptashon skema di buelo Insel Air
Adaptashon skema di buelo Insel Air
Kompania di aviashon Insel Air ta bai adaptá su skema di buelo i lo introdusí un skema nobo.
Lo bai tin entre otro menos buelo entre Kòrsou i Aruba.
E intenshon ta, pa tin menos buelo riba rutanan kortiku, di tal forma ku por garantisá ku e buelonan ta puntual.
Na e momentu aki tin tres (3) avion modèl Fokker 70 den hangar pa reparashon. Ku un fiansa di Korpodeko e kompania lo drecha e avionnan aki.
E avionnan aki tabata kousa di bastante problema pa Insel Air durante e ultimo añanan, manera kanselashon i retraso.
Ku reparashon di e avionnan, Insel Air por brinda un mihó servisio.
