KOMUNIKADO DI KUERPO POLISIAL KÒRSOU Tópiko: Kon pa evitá atrako na bo kas

komunikado-di-kuerpo-polisial-kc3b2rsou1.jpg

KOMUNIKADO DI KUERPO POLISIAL KÒRSOU
no.: 369 / 2016
Fecha: 31 òktober 2016
Tópiko: Kon pa evitá atrako na bo kas
Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ

________________________________________

Kontinuando ku e siklo di informashon i rekomendashon pa abo komo siudadano yuda nos yuda bo prevení atrako den bo kas mas tantu posibel, nos ke bo para ketu i trata na apliká e siguiente medidanan di prekoushon:

– Sòru pa sufisiente i bon iluminashon rondó di bo kas; – Kòrta mata i palunan grandi ku ta tapa prinsipalmente porta i bentananan di bo kas; – Pone kandal ku kadena anochi riba bo portanan di kurá; – Pone bon lòk (si por dòbel) riba bo portanan di kas (tambe portanan di paden); – Instalá un “wowo” (buraku di glas grandura di dies plaka) den bo portanan di pafó, di manera ku for di paden bo por mira ken tei; – Evitá di tin ophetonan den bo kurá ku un malechor por para riba dje i haña bista den bo kas; – Den oranan di anochi, si bo mester tin hopi lus òf lus skèrpi den bo kas, sera bo kortina òf ‘blinds’, pa evitá bista den bo kas; – No baha kos di balor for di un sitio visibel na bo kas. Usa p.e. kaminda menos hende ta trafiká i ora ku tin menos klaridat; – No sali pafó i atendé ningun hende ku bo no konosé, sigur no den oranan di anochi; – Si bo mester regresá kas anochi, pone un otro habitante ku ta na kas e momentu ei ku bo ta yegando i lag’é kompaña bo den kurá te ora bo drenta kas;

Loke ku por deskurashá un atrakadó: – Hopi iluminashon; – Kámara di seguridat i hèkwèrk; – Instalashon di alarma i kachó;

Bon komunikashon entre bisiñanan atento den bario ta probando su mes kada dia di nobo, ku esaki ta un manera ideal pa prevení ku hopi krímen ta tuma lugá. Si bo nota kualke vehíkulo òf persona ku ta aktua sospechoso den bo kaya òf den bo bario, no duda pa yama bo Kuerpo Polisial ku konfiansa.

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: