Oranjestad Aruba: Noticia di polis 1 november 2016

​S.C.P a dirigí patruya na Caya Soeur Desideria en konekshon ku un kaso di menasa ku arma di kandela. Na yegada a topa ku un testigu kuá a mustra polis den kuá direkshon e viktimá di e menasa lo mester a kore bai. Yegando na altura di “Tipsy Bar”, ( kaminda antes tabata Corazón Espinado), ku ta keda na Bushiri, polis a konstatá e konosido *K*. El a deklará ku djis un ratu promé, é huntu ku un amigu di nòmber *E*, a wòrdu menasá ku un pistól, dor di e hòmber di inisislnan *J.K*. Tambe el a deklará ku e por a mira klaramente ku e arma di kandela tabata un pistól kolor pretu. E hòmber *K* ta bisa ku el a kore bai pa evitá ku el a wòrdu tirá. Mirando ku tin un petishon di búskeda pa e sospechoso *K*, fuera di lugá di delito, el a wòrdu detené dor di unidat *K-9*, pa banda di 11:40. Mesora el a wòrdu hibá serka reshèrshe na warda di polis na Sta. Cruz. S.C.P. a wòrdu notifiká tokante dje situashon.

=================
C.P. a dirigí patruya na e adrès, Mac, kaminda tabatin un hòmber ku herida di bala. Eynan a bin topa ku e bon konosí pa hustisia i polis, un hòmber di nòmber *E*.

E hòmber *E*, tabatin sanger na kurpa i paña. El a deklará na polis ku el a wòrdu maltratá dor di su primu di nòmber *J*, ku e kabu di un revòlver. E problema a kuminsá na un minimarket Chinés na Madiki. *J* lo a menasé di morto. Ambulans a bini na e sitio i a trata *E*na e sitio mes. E tabatin sigur 2 kap chikitu na e parti patras di su kabes i tòg e tabata ninga tratamentu. Reshèrshe tambe a yega na e sitio i e kaso a wòrdu traspasá pa nan. El a deklará na polis ku e revòlver ta di kaliber *38*, i ku e ta suponé ku e tabata kargá i ku e arma tabata di kolor pretu.