EOZ A ORGANISÁ KOMPETENSHA DEN LUNA DI SALÚ

EOZ A ORGANISÁ KOMPETENSHA DEN LUNA DI SALÚ

Kralendijk – Den kuadro di luna di salú kòrdiná pa gobièrnu di Boneiru su departamentu di Salubridat Públiko, EOZ a organisá un kompetensha di pintamentu pa nos muchanan i hóbennan entre 6 i 13 aña di edat. E tema ta “Asina mi ta biba salú pa mi siña bon na skol”.

EOZ a risibí alrededor di 90 pintura pa e kompentensha. Kada unu ku nan mes kreatividat i vishon riba e tema. E tópikonan ku a bini hopi dilanti den e pinturanan tabata fruta, bèrdura, deporte, drumi sufisiente, famia felis i fe den Dios.

Djasabra awor, 5 di novèmber, durante marshe di “Tienda di bèrdè bèrdè! nos lo eksponé e pinturanan i tambe entregá premio.
Eksposishon lo ta for di 3’or atardi i pa 5’or atardi lo anunsiá e ganadornan. Esaki ta tuma lugá na Plasa Fransisco Chicu Goeloe na Antriol.

Ta invitá tur partisipante kompañá pa nan famia i amigunan i tambe henter pueblo di Boneiru pa bin atmirá nos talentonan den pintamentu.