KIKO TA PASANDO

E uniko kaminda ku bo ta haña tur informashon kompletamente gratis. Klik anto lesa. Manda tur loke bo ke pa wordu publika i invitashon pa kubri rueda di prensa na e Email: kikotapasando@outlook.com

NOTISIA

AGENTE POLISIAL I DOÑO DI BANDERA GRILL DETENE….. KOMUNIKADO DI KUERPO POLISIAL KORSOU TOPIKO ENTRADA HUDISIAL KU DENTENSHON

KOMUNIKADO DI KUERPO POLISIAL KORSOU

no.: 376 /2016

Fecha: 4 novèmber 2016

Tópiko: entrada hudisial ku detenshon.

 Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ


________________________________________
Djabièrnè 4 di novèmber 2016, alrededor di 6 or di mardugá, tim di investigashon di 

Divishon di Krímen Organisá, konhuntamente ku personal di BIZ a tene un entrada hudisial 

na un kas den Dein i na dos establesimentu riba Garipitoweg.

Durante investigashon na e kas na Dein a detené e hòmber W.B.L.R. di 53 aña di edat i su 

pareha A.A.S. di 44 aña di edat, ámbos nasé na Kòrsou. 

Durante investigashon na e adrèsnan ariba menshoná a haña i konfiská:

Telefòn selular

Kòmpiuter

Un vehíkulo BMW

Papelnan di importansia pe investigashon.

Kontinuando ku e investigashon alrededor di 8.45 or, a detené un agente polisial R.J.L.R.

nasé na Kòrsou di 54 aña di edat, na ofisina di BIZ. 

Tur e detenshon nan aki ta relashoná ku un kaso di trafikashon di hende ku ta den 

investigashon. 

A presentá tur tres sospechoso dilanti un fiskal ouksiliar ku a ordená nan enkarselamentu 

pendiente di mas investigashon.

Leave a Reply

This site uses Akismet to reduce spam. Learn how your comment data is processed.

%d