Kaminata di Federashon Deportivo i Olímpiko di Kòrsou

Kaminata FDOK

Federashon Deportivo i Olímpiko di Kòrsou ( FDOK) ta bai klousura su selebrashon di 85 aniversario i  mesora ta bai kuminsá ku su programa di konsientisashon riba uso di supstansia i produktonan prohibí den deporte.

Den e kuadro aki FDOK ta bai organisá un tremendo kaminata riba djadumingu dia 4 di desèmber próksimo pa 6 or di mainta na e “parkeerplaats” di Colon na Otrabanda. 

E lema di e kaminata ta: “Hasi deporte limpi, Bisa NÒ na doping”.
E kaminata aki ta pa miembronan di tur e federashonnan afiliá na FDOK i nan miembronan, mayornan di nos deportistanan i pueblo di Kòrsou en general. 
Tin hopi suseso antideportivo ta tumando lugá rònt mundu kaminda deportistanan ta usa produktonan prohibí pa mehorá nan prestashon. E organisashon mundial kontra uso di supstansianan prohibí den deporte “ World Anti-Doping Agency (WADA)” a bin ta fortifiká su reglanan pa informá, konsientisá i sanshoná tur deportista ku hasi uso di e produktonan prohibí.
Mirando ku FDOK ta kreando e posibilidat pa nos deportistanan por kompetí den region i na nivel Panamerikano a surgi e idea pa Kòrsou afiliá na e organisashon anti-doping di Karibe (Carribbean RADO). Di e manera aki por konsientisá e deportistanan riba e posibel konsekuensianan ku uso di e produktonan prohibí ta trese kuné pa nan mes i pa pais Kòrsou. 

E akshon aki ta di sumo importansia mirando ku den 2017 Kòrsou lo ta anfrition di diferente kompetensia internashonal manera entre otro “Carifta Games”.  

Tambe den 2017 vários federashon ta bai tin kompetensianan internashonal na Kòrsou i ta bai partisipá na kompetensianan internashonal den eksterior.
Karchi pa e kaminata ta bai ta optenibel entrante djaluna 7 di novèmber 2016 na kantor di FDOK, situá na Roodeweg 92 A edifisio blou 2e piso t/o Colon na Otrobanda. 

Tambe por haña karchi serka tur nos federashonnan miembro i na puntonan di benta manera Mensings Caminada i kantor di FFK.
FDOK ta hasi un apelashon na pueblo di Kòrsou pa partisipá na e kaminata aki di manera bo por kontribuí na moveshon deportivo ku tin komo lema “Hasi deporte limpi, Bisa NÒ na doping

Klik aki bou pa e dokumento.

https://www.dropbox.com/s/tv7txzkdhatdyjh/20161104%20FDOK%20Anti-Dpoing%20Program%202017%20-%202020%20%283%29.pdf?dl=0

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: