KOMUNIKADO DI KUERPO POLISIAL KORSOU TOPIKO: SOSPECHOSO DI ATRAKO DETENE

KOMUNIKADO DI KUERPO POLISIAL KORSOU

no.: 378 /2016

Fecha: 5 novèmber 2016

Tópiko: Sospechoso di atrako detené.

 Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ

________________________________________
Djasabra mainta alrededor di 11.45’or, personal di e tim di aresto a detené e hòmber

G.M.T. nase na Kòrsou di 22 aña di edat den un kamber di hotèl na Blue Bay.

E detenshon ta en konekshon ku un kaso di atrako ku a tuma lugá dia 7 di yüli último den un 

kas na Kaya Orkidia.

Durante di e entrada hudisial den e kamber di hotèl polis a konfiská tambe telefòn selular, 

algun tablet i un kámara pa saka potrèt.

A presentá e sospechoso dilanti di un fiskal ouksiliar ku a ordená su enkarselamentu 

pendiente di mas investigashon.