Seshon informativo E impakto di orkan riba nos region

Seshon informativo E impakto di orkan riba nos region

 

meteo1

Willemstad – Riba djaweps 11 di aprel lo tin un seshon interesante tokante e impakto di orkan riba nos region. Esaki ta relashoná ku e bishita di e avionnan tipo Hurricane Hunters ku ta bishita Kòrsou den e dianan aki.

Durante di e seshon aki, Sr. Kenneth Graham, Direktor di ‘National Hurricane Center’ di Merka lo duna un presentashon amplio tokante e efekto ku pasada di un orkan tin riba e partinan sùit di Karibe. Nos ta kòrda e impakto ku Kòrsou a eksperensia resientemente ora ku Orkan Irma a pasa riba islanan ariba i kon Kòrsou a yuda den diferente forma. A risibí studiantenan pa nan por a sigui bai skol, a manda ayudo den forma di personal i ekipo di Kòrsou pa Sint Maarten. Tambe pueblo di Kòrsou a kombibí ku pueblo di Sint Maarten den e momentunan difísil. Hopi suidadano tabata pendiente di nan sernan kerí na momentu ku e orkan tabata pasa i despues.

Pueblo di Kòrsou ta invitá pa bin skucha tokante e tópiko interesante aki pa asina prepará pa e temporada di orkan benidero. Esaki ta kuminsá 1 di yüni 2019 i ta terminá 30 di novèmber 2019.

Minister Jesus-Leito ta kontentu ku e bishita di e avionnan aki i ta spera ku komunidat kompletu lo bin mira esakinan riba djabièrnè 12 di aprel entre 9or di mainta pa 3or di atardi.

Advertisements

This site uses Akismet to reduce spam. Learn how your comment data is processed.

error: Content is protected !!
%d bloggers like this: