Kaminda di Krus

Posted by

Joseph Civilis VSBO

Alumnonan di Joseph Civilis VSBO ku nan grandioso Kaminda di Krus djabièrnè,             dia 12 di aprel próksimo, den kayanan den bisindario di nos skol na barber.

Komo skol katóliko nos idiologia ta basá riba:

FE, SPERANSA i AMOR.

Mas òf ménos 600 alumno huntu ku dosente i mayornan lo partisipá djabièrnè, dia 12 di aprel próksimo, na un kaminda di Krus, saliendo for di skol na Barber, direkshon kaya antonius Schipper, Damasius Hoyer, Ofisina di dòkter, Nell Tire service, kaya ”Lucia M.Hosepha, parke “Himno i Bandera”, skol San Hosé , bai finalisá bèk na skol.

E kaminata ta sali 8:15 di mainta for di skol, i ta programá pa regresá 10:15 di mainta bèk na skol.

Komo skol katóliko nos ta pone hopi énfasis riba motivashon i formashon integral pa ku nos alumnonan.

Pa di tres aña nos ta uni ku otro skolnan di zona di bándabou, den un kaminda di krus “kaminata ku Hesus” den kayanan den bisindario di nos skol, pa nos reflekshoná riba pashon, morto i resurekshon di Kristu Hesus.

E lema ta konsentrá riba e Mensahe di Papa Francisco pa Kuaresma 2019 :

”Kambia e desierto di nos mundu den un hardin di karidat. ”

Meta prinsipal di e Kaminda di Krus ta pa sigui yuda nos alumnonan pa nan stima Dios mas meditando riba e pashon, morto i resurekshon di Hesus, i pa medio di esaki stima nan próhimo, i komprondé e mensahe di salbashon. Banda di esaki nos ta pidi Dios pa sigui drama su bendishon riba nos dushi pais Kòrsou ku ta enfrentando situashonnan difísil na e momentunan aki, pa fortalesé nos kurason i para firme den Fe (Hakobo 5,8). Alabes nos ke pidi nos bon Dios pa duna sabiduria, fortalesa i konosementu na nos alumnonan pa finalisá nan estudio ku éksito.

E skolnan ku ta kompañá nos den e Kaminda di krus aki ta: Kolegio San Hosé,

Kolegio Don Sarto, Kolegio Alablanka, i Kolegio Annie Koenraad.

Nos ta invitá outoridatnan religioso, mayornan, mandatarionan, polítikonan, èks alumnonan i tur ku ta deseá di uni ku nos, pa bin kompañá nos den e marcha di viktoria di Kristu Hesus nos Señor. Esun ku a duna su bida pa kada un di nos sin eksepshon di rasa, koló ni religion.

Bin rekordá huntu ku nos, e sufrimentu i morto di Hesus na Krus, i laga esaki transformá nos bida, mente i kurason, den un hende nobo, ku gana di sigui lucha pa bienestar di su Pais.

Bini un i tur, i konsiderá esaki komo un invitashon spesial di nos skol Joseph Civilis VSBO.

1102002048_univ_lsr_xl.jpg

Advertisements

Leave a Reply

Please log in using one of these methods to post your comment:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

This site uses Akismet to reduce spam. Learn how your comment data is processed.