CUERPO POLICIAL A CELEBRA PROMOCION DI LISA PASKEL COMO ” ONDERINSPECTEU”


​Cuerpo Policial a celebra promocion di Lisa Paskel como “Onderinspecteur”

Desde aña pasa october Elizabeth Paskel-Robles de Medina a keda apunta, pa medio di un decreto gubernamental, den e funcion di “Chef van Dienst” cu e rango di  “Onderinspecteur”. E Polis, cu ya desde aña 2005 ta funciona como “leidinggevende” na Warda di Polis di Shaba, den districto 2, a ricibi su “rangonderscheidingen” y a cambia di uniform oficialmente siman pasa, un fecha cu e mes a scoge como cu e tabata kier pa henter su famia ta presente. Districtchef pa districto 2, esta Andrew Ho a splica cu den ausencia di e districtleiding, Lisa Paskel-Robles de Medina, kende tambe ta un “Hulpofficier van Justitie”, lo tuma decisionnan y guia e team. Como “HOVJ” pa varios aña caba, e ta encarga pa procesa detenidonan ora cu tin detencion. Andrew Ho a laga sa cu Lisa Paskel-Robles de Medina tin hopi experiencia y a traha tanto na Aruba como Hulanda. E ta un miembro di Cuerpo di Polis ehemplar y un persona cu ta wordo consulta pa cu diferente asunto, tanto como figura di mama, como den su funcion profesional. E ta un persona pa kende tin hopi aprecio entre e coleganan. Elizabeth “Lisa” Paskel ta lamenta cu su casa, cu a fayece aña pasa, no por tabata presente pa e comparti un ocasion asina importante den su carera cun’e, pero el a percura pa tur su famia, kende semper a apoy’e t’ey cune. E ta duna un bon sentimento cu su sernan keri kende a yud’e haci di su carera uno exitoso tabat’ey, e “Chef van Dienst” a laga sa. Lisa Paskel a cuminsa traha cu Cuerpo Policial di Aruba na aña 1997. Anteriormente e tabata miembro di e Cuerpo Policial di Amsterdam-Amstelland. Na Aruba el a traha pa 7 aña na e Warda di San Nicolas, 1 aña cu e team di joyriding y despues a solicita pa bira “Wachtcommandant” pa districto 2. For di aña 2005, Lisa Paskel-Robles de Medina tin un puesto di “leidingevende” na Warda di Polis na Shaba.

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: