RICARDO ISEBIA A PREMIRA……

Konsientemente nos a warda te ku awor aki, djadumingu 6 di novèmber 2016 (16.25) pa duna nos más ku 3 mil Facebook-friends, informenan relashoná ku e ultimo-ultimo desaroyonan politiko, pa evitá ku e persepshon lo por keda kreá ku nos lo ke stroba e trabou di e Formador, lokual sigur no por ta e kaso…!

Nos ultimo-ultimo informashon ta indiká, ku te ku awe tardi (16.00) ainda e “Bloke MAN/PAR” no por a presentá 11 firma di e Parlamentarionan ku ta dispuesto pa sostené e próksimo Koalishon pa despues un Gobièrnu Nobo, te ainda nan ta wantá na “10”,….. Mekos ku e otro “Bloke MFK/ KdnT” ku tambe ta ankrá riba “10” wardando e momento pa haña e “11”…..Ironia ta ku ambos “Bloke” ta stèns riba e mésun Parlamentario…. For di ayera tardi e partido di e Parlamentario ta buskando tur manera pa drenta den kontakto ku e Parlamentario (ku ta den eksterior!), i a manda tur sorto di e-mail pero sin resultado, pa e por firma e “Bereidwilligheidsverklaring”  (via e sistema elektróniko) ku ya 10 Parlamentario a firma (ta parse ku e ta “spoorloos” pa su partido!)…., e otro “Bloke” sí tin kontakto kontinuo ku e Parlamentario en kuestion, segun nos fuentenan…! Hasta e “Bloke MAN/PAR” ofresé e Parlamentario “ministerschap”, ku lógikamente lo keda ningá…..Ku e informe verídiko aki, nos ta obligá di keda para riba nos informe di ayera mainta, esta…..:

“Ku e posibilidat ta grandi ku MAN i PAR lo por haña nan mes den Oposishon”…! Punto!