Gobiernu ta duna atenshon na reauso di awa residual i protekshon di nos awanan di kosta i sistemanan akuamarino

Gobiernu ta duna atenshon na reauso di awa residual i protekshon di nos awanan di kosta i sistemanan akuamarino

Willemstad – Gobièrnu di Kòrsou (Ministerionan VVRP i GMN) i Bedrijvenplatform Milieu (den koperashon ku Fundashon TAS, Fakultat Tékniko di Universidat di Kòrsou i CaribDA) ta organisá riba 18 i 19 di novèmber próksimo un konferensha tokante uso di awa na un manera responsabel. Tin dos meta pa e konferensha: Promové resiklahe di awa dushi kostoso i Protekshon di nos awa kostero i tur su organismonan.

Durante di e konferensha, Chris Corbin (UNEP, Jamaica) i Mike Gosselin (City of Kelowna, Canada) ta presentá e último desaroyonan riba tereno di maneho di awa residual den e área di Karibe i kon nos na Kòrsou por mehorá posibilidatnan na Kòrsou. Diferente oradó lokal i internashonal ta duna atenshon na inovashonnan riba tereno di maneho di awa, kalidat di nos áreanan kostal i situashon di awa residual na Kòrsou.

Riba e promé dia di e konferensha tin tayer ku temanan manera “Awa residual den áreanan smart”, “Awa resiklá pa agrikultura”, “Kitamentu di nutrimentu for di áreanan kostal” i “Finansiamentu duradero di maneho di awa residual”. Durante e di dos dia tin ekskurshon planiá pa plantashon di palu di mangel na Ref, e bakinan di bezink nobo na Seru Fortuna i instalashon pa purifikashon di awa na Klein Hofje. Ta duna atenshon tambe na aplikashon di e sistema di “Constructed Wetlands”.

Promé ku e konferensha, tin oportunidat pa partisipá na entrenamentu tokante resiklahe di awa i desalinisashon di awa. Tur entrenamentu, tayer i presentashon ta na Ingles. Entrada pe e konferensha ta 100 florin. Mas informashon tokante e konferensha i akseso na un formulario di registrashon ta visibel riba website http://www.bpmcuracao.com, òf telefónikamente riba +5999 7369533 (durante di oranan di ofisina).

DCIM100MEDIADJI_0024.JPG
DCIM100MEDIADJI_0024.JPG

wastewater-conference-curacao-2016-brochure-1

wastewater-conference-curacao-2016-brochure-2

wastewater-conference-curacao-2016-brochure-3

wastewater-conference-curacao-2016-brochure-4

wastewater-conference-curacao-2016-brochure-5

wastewater-conference-curacao-2016-brochure-6

wastewater-conference-curacao-2016-brochure-7

wastewater-conference-curacao-2016-brochure-8

wastewater-conference-curacao-2016-brochure-9

wastewater-conference-curacao-2016-brochure-10

wastewater-conference-curacao-2016-brochure-11

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: