Advertisements

Ki dia nos ta siña?

Ki dia nos ta siña
Te ki dia nos ta siña ku tur hende tin su propio agènda skondí . 
Kada bes di nobo nos ta keda haña nos ku mes un problemanan paso nos no ta siña nos lès.
Den bida bo ta siña pa no hasi mes un fout di nobo. Pero parse ku riba e isla di Kòrsou aki nos sí no ta siña. Pa bon ku e intenshon ku kada persona tin riba su mes, tin ku atené na interes general i no na esun di bo personal.
Ta saka tur tipo di leinan ku un hende ta puntra ku ta nesesario pa un lei asina ei. Pero pa loke mes tin mester di lei pe, no ta saka lei.
Por ehèmpel lei pa personanan ku ta den investigashon, no por bira parlamentario of minister.
I tambe mas ku klaro ku parlamentarionan no por bai ku asiento paso asiento ta di partido i no di persona.
Mesun kos ku voto ta di partido i no di persona.
Maske kon malu e partido ta, e voto ta di partido. 
Dikon bo a bai elekson ku e partido anto?
Bai elekshon bo so òf lanta bo mes partido.
Kada un persona ku bai ku e asiento ta un kobarde i traishonero i un perosna di poko palabra i no tin rèspèt pa su mes.
Pakiko bo ta duna bo palabra di konfiansa pa despues bo bira un Hudas, bai ku bo asiento?
Lei kontra di e kosnan aki mester bini paso pueblo ta vota pa evitá e bagabunderianan aki. Pero tòg sierto individuonan ta manipulá ku lei pa keda ku e asiento i kobra e plaka ku parlamenatrionan ta kobra.
Ki dia nos ta siña

Gavel and scale of justice on a white background
Gavel and scale of justice on a white background
Advertisements

This site uses Akismet to reduce spam. Learn how your comment data is processed.

error: Content is protected !!