MINISTERIO DI TRAFIKO TA SIGUI KU ADAPTASHONNAN PA HALSA SIGURIDAT DEN TRAFIKO

MINISTERIO DI TRAFIKO TA SIGUI KU ADAPTASHONNAN PA HALSA SIGURIDAT DEN TRAFIKO

Willemstad – Minister Suzy Camelia-Römer di Ministerio di Tráfiko, Transporte i Planifikashon Urbano ta anunsiá ku Obra Publiko ta bai traha un krusada elevá kaminda Perseusweg ta krusa Neptunesweg. E trabounan ta kuminsá riba dia 14 di Novèmber próksimo. E proyekto ta tuma 2 siman pa finalisá.

Despues ku Obra Públiko a drecha Perseusweg algun tempu pasá, a konstatá ku ta tin diferente aksidente grave ku a tuma lugá na e krusada di Perseusweg/Neptunesweg. Basá riba esaki i pa alsa seguridat di tráfiko riba kareteranan, a tuma e desishon pa konstruí e krusada elevá. Huntu ku algun drèmpel den Neptunesweg, e krusada elevá mester sòru ku outomobilistanan ta baha nan velosidat.

E kontratista Aliansa Civil Road Works BV ta pone barínan oraño ku indikashon di desviashon pa asina mustra tráfiko kon pa kore durante di e trabounan di konstrukshon. Aliansa i Obra Públiko ta pidi tur hende pa tene kuenta ku e trabounan i kore ku koutela.