Eagles Softex i Pichingolo Nissan den granfinal di softball femenino AA

Eagles Softex i Pichingolo Nissan den granfinal di softball femenino AA

Liga CSB/MCB tabata kajente djabierne anochi, dilanti un publiko grandi Eagles Softex a zona un kampanaso na momento ku nan a gana di e fuerte equipo di Starosa Angels Vanddis i tambe gana e serie semifinal. Ku e viktoria aki Eagles Softex a hasi historia pa motibu ku pa prome bes den 23 anja di eksistensia di e organisashon ku nan ta logra pasa pa un final den doble A. I tambe nan ta bira e di 2 organisashon ku ta hunga final di doble A siendo un benjamín. E organisashon Pichingolo ta e uniko organisashon ku a hasie na 1975 i después ku Kia na anja 1997. E wega entre Strosa Angles Vanddis i Eagles Softex tabata realmente kajente i bo por bisa un thriller ku te ku di e delaster out tur hende tabata riba pia pa mira kiko ta bai pasa. Strosa Angels Vanddis ajera a Sali brabu den e prome 2 inningnan skor no menos ku 5 kareda pa kwe bentaha hopi trempan den e wega. Pero Eagles Softex a bin bek den kabes di 4 i skor 3 kareda i después 2 mas den kabes di 5 pa e wega bira 6 pa 5 na fabor di e equipo di Starosa Angels Vanddis. E wega a keda asina te den delaster inning ora ku tur hende a pensa ku Starosa lo kaba kos, e equipo di Softex ta anota 2 kareda riba hit di oro di Rudeena Gijsbertha riba konteo di 3 bola i 2 strike ku 2 out pa finalmente gana ku skor di 7 pa 6. Pa Eagles Softex 7 kareda 9 hit i 0 eror. Picher ganador a resulta Shurdenay Obispo i miho na bate pa Eagles Softex tabata Solange Soliana di 3-3. Pa Starosa Angels Vanddis 6 kareda 8 hit i 0 eror. Picher perdedo a resulta Diane Rosa i na bate pa Starosa Angels Jandely Ricardo di 3-2.
Gran final:
E wega di Gran final den femenino doble A entre Pichingolo Nissan i Eagles Softex ku mester a tuma luga djadumingu13 November,pero a wordu kansela pa motibu di awaseru i mal estado di e tereno. E wega di gran final aki lo tuma luga djamas awor 15 di November pa 20:00 na stadion di Post 6.

eagles-team

pichingolo-team

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: